Jonge Friezen Foarút
Mei in rodeobolle, in klimmuorre, in debat, liveband en BBQ iepene de provinsje Fryslân moandei it projekt Jonge Friezen Foarút. Hjirmei wol de provinsje der foar soargje dat jongeren yn Fryslân wenjen bliuwe. De kick off wie op it Angoraplein by it Van Hallynstitút en Froeks.TV wie der fansels by!
Underdiel fan it evenemint wie in rally tusken deputearren Hans Konst en Piet Adema. Tegearre mei Hans Konst is Froeks.TV fanút Tsjummearum yn in echte rallyauto stapt om ûnderweis mei ferskillende minsken te praten oer it probleem. Dêrnei binne wy werom crosst nei Ljouwert. Spitich genoch wûn Piet Adema de rally.
Wy hawwe op it plein wat rûntsjes makke om de jongeren ris efkes oan de tosk te fielen oer it probleem. Ut al de reaksjes docht bliken dat as der in goeie treinferbining is mei de Rânestêd, der betelbere húzen binne en der genoch wurk te finen is, jongeren graach yn Fryslân bliuwe wolle.
