Diplodocus Dex - Tryater
Amateurarcheolooch Deks ûntdekt by opgravingen resten fan in foarhistoarysk bist, de kaakbonke fan in Diplodocus. De fynst fan dizze dinosaurus set it doarp op ‘e kop...
Der dûkt in projektûntwikkelder op, dy’t fertelt fan syn plannen om in dinopark by it doarp te bouwen. Der komme gearkomsten mei doarpsbewenners dy’t lûdop dreame fan in protte jild… Elkenien krijt de gelegenheid om syn of har sechje te dwaan. Kleurich en krûdich. Foar en tsjin.
Tom Lanoye, op dit stuit miskien wol de populêrste skriuwer yn Flaanderen, tekenet yn dit stik in tal typyske situaasjes. Hy hat it ferhaal in ûnferwachte struktuer jûn: it stik wurdt achterstefoaren spile. We sjogge earst hoe it einiget en dêrnei wurdt it ferhaal by stikken en bytsjes rekonstruearre. As in archeolooch is Lanoye útgien fan de resten, om sa it begjin te achterheljen. Fan it begjin ôf wurket dizze konstruksje fassinearjend. Hy hâldt it brave en minder brave publyk in spegel foar. Hoe dreech is it om in balâns te finen tusken it beskermjen en koesterjen fan dysels en dyn kultuer, en dysels iepen te stellen foar ynfloeden fan bûtenôf? Komysk en werkenber.
Diplodocus Deks is ûnderdiel fan it Brûst fan Tryater. Oant en mei 25 april 2010 strykt Tryater del op ferskate lokaasjes yn de provinsje. It Brûst is in teaterfestival dat trije Tryaterfoarstellingen omfettet: Dixi foar beukers, MOOF troch Jong Tryater en Diplodocus Deks foar folwoeksenen..
Kaarten of mear ynfo www.tryater.nl
