Deiboek ferriedt Súd-Koreaanse ynbrekker
Soms kinne ynbrekkers it de plysje wol hiel maklik meitsje om se oan kleie te litten.
Nee, net troch harren sels oan te jaan, der binne noch maklikkere manieren…
By in hússiking troch de plysje by in Súd-Koreaanse ynbrekker hawwe de aginten in deiboek fûn wer tot yn alle details syn ynbraken beskreaun stean. Ja, dat is yn myn eagen wol in bytsje dom.
Derneist fertelde de ynbrekker yn syn deiboeken hoe suksesfol hy wol net wie (uuueghum). By ynbraken yn hûzen en winkels makke hy lúkse tassen, juwelen en elektronysk guod mei in wearde fan 320 miljoen won (192.000 euro) bût.
Nei’t de man dizze maand registreard waard op in kamera is hy oanhâlden doe’t hy jild besocht te pinnen mei in stellen bankpas. De Súd-Koreaan ûntkende yn earste ynstânsje, mar lei dernei yn bekentenis of doe’t hy mei it deiboek konfronteard waard. Jaha, dan falst mei dyn noas yn’e bûter! In opmerklik feit is dat de ynbrekker him liede liet troch horoskopen op it internet. Op die manier stelde hy fêst wat de bêste dagen wieden om in ynbraak te plegen.
Ik sit mysels dan hiel bot of te freegjen hoe’t die horoskopen der ut seagen, iets fan: “Stier: De sterren binne jo hjoed goed tadien. Forsearje hjoed net de doar, mar krûp troch it rút nei binnen ta om wis te wezen fan in goeie ôfrin en in grutte bût. Brek net yn by Stjinbokken of Maagden, sy sille dizze wike ekstra alert wêze. Weegskalen binne dertsjinoer in goed doel.”
